Azərbaycanlı bombardirə klublardan LAQEYD MÜNASİBƏT

18 May 21:20 I Divizion 1 007
Azərbaycanlı bombardirə klublardan LAQEYD MÜNASİBƏT

Dünən I Divizonda 2021-22 mövsümü başa çatdı.

4 tur əvvəl çempionluğunu rəsmiləşdirən "Qaradağ Lökbatan" tituluna məhz dünənki tədbirdə qovuşdu.

22 qolla mövsümün bombardiri olan Sabir Allahquliyev də mükafatsız qalmadı. Ona da bombardirlik münasibəti ilə simvolik kubok verildi.

Vəssalam...

Halbuki belə uğurun qarşılığı yüksək liqa və ya yüksək liqa klublarında dəvətlər olmalı idi.

Sabirin komandasının Premyer Liqaya buraxılmayacağı öncədən məlum idi. Bəs Premyer Liqada olan və gələcək klublara nə söz?

Əgər Birinci Divizionun ən məhsuldan futbolçusu nə Premyer Liqanın autsayderinə, nə də Premyer Liqaya yüksələn debütantlara lazım deyilsə, o çempionat niyə və nəyə keçirilir?

Əslində bombardirə olan belə münasibət həmin liqanın səviyyəsini, keçirilmə məramını gözlər önünə sərmiş olur.

Amma istənilən halda adam adı üstündə bombardirdir. Həm də nə az, nə çox 22 qolla. Təcrübəsi də yetəri qədər. Ki, uzun illər Premyer Liqada çıxış edib. Yəni mütləq şans almalıdır.

Ümid edək ki, ən yaxın zamanda bombardirə olan soyuq münasibət, laqeyd yanaşma aradan götürüləcək. Ölkə səviyyəsinə sayca ikinci futbol liqası bu qədər baxımsız və diqqətsiz münasibətə layiq deyil.

XANOĞLAN İMANOV

Xəbər Lenti