Bu gün I Divizionda 23-cü tura yekun vurulacaq.
«Şamaxı-2» Tovuzda «Turan»ın qonağı olacaq. Səfər öncəsi qonaqların düşərgəsində gərginlik baş verib.
Üç aydır maaş almayan gənclər qərb bölgəsinə yollanmaqdan imtina edib. Onlar məşqçilərin sözünü yerə salıb, «cibimizdə 1 manat da yoxdur» deyərək, klub rəhbərliyini boykot eləyiblər.
Daha sonra rəsmilər komanda üzvləri ilə görüşə gəlib. Onlar yaranmış problemin AFFA-dan qaynaqlandığını, özlərinin də aylardır pulsuz çalışdıqlarını, bununla belə, vəziyyətin düzəlməsini gözlədiklərini bildiriblər.
Oyunçulardan həftəsonuna kimi möhlət istəyən funksionerlər, beləcə, olayın böyüməsinin qarşısını alıblar.
SPORTİNFO.AZ