Bu gün Premyer Liqada XIX turun daha iki oyunu keçiriləcək.
Günün ilk matçında "Zirə" "Araz-Naxçıvan"ı qəbul edəcək.
“Qartallar”ın müdafiəçisi Ange Mutsinzi matçla əlaqəli fikirlərini Sportinfo.az-a açıqlayıb.
Ruandadan olan legioner çempionatın ilk iki dövrəsində məğlub edə bilmədikləri “Araz-Naxçıvan”la növbəti duelin ağır keçəcəyini bildirib:
“Fikrimcə, hər iki komanda üçün çətin, eyni zamanda maraqlı oyun olacaq. Bu, “Araz-Naxçıvan”la aradakı xal fərqini azaltmaq üçün yaxşı şansdır.
Bu imkandan yararlanmağa çalışacağıq. Məqsədimiz? Təbii ki, 2025-ci ilə qələbə ilə başlamaq”.
