.jpg)
Bu gün "Dərnəgül" Voleybol Mərkəzində həm kişi, həm də qadın voleybolçular arasında Azərbaycan çempionatına start verilib. Sportinfo.az xəbər verir ki, yeni çempionatın ilk oyunu qadınlardan ibarət "Azərreyl"lə "Abşeron" arasında baş tutub.
Qarşılaşma "dəmiryolçular"ın 3:1 hesablı qələbəsi ilə başa çatıb. Oyundan sonra Azərbaycan çempionatının təntənəli açılış mərasimi keçirilib. Mərasimdə Azərbaycan Voleybol Federasiyasının prezidenti Cavid Qurbanov da iştirak edib. Açılış mərasimi bitincə meydana kişi voleybolçulardan ibarət "Neftçi" və "Murov" komandaları çıxıb. "Neftçi" hər 3 setdə rəqibindən güclü olub.
Qadınların çempionatında 6, kişilərin yarışında isə 8 komanda mübarizə aparır. Yarış Azərbaycan çempionatı olsa da, Gürcüstanın həm qadın, həm də kişilərdən ibarət milliləri də müsabiqədənkənar mübarizəyə qatılıb.
