PSJ-nin yarımmüdafiəçisi Fabian Ruis karyerasını Türkiyə çempionatında davam etdirə bilər.
Sportinfo.az xarici KİV-ə istinadən xəbər verir ki, “Qalatasaray” ispaniyalı futbolçunun xidmətində maraqlıdır.
Türkiyə klubu 29 yaşlı yarımmüdafiəçini mövsümün sonuna qədər icarəyə götürməyi və sonradan transfer hüququnu əldə etməyi planlaşdırır.
Ruisin Paris klubu ilə müqaviləsinin müddəti 2027-ci ilin yayına qədərdir.
O, cari mövsümdə Liqa 1-də 12 oyuna çıxaraq, 1 qol vurub və 2 məhsuldar ötürmə verib.
.jpg)
