Olimpiya Oyunları tarixində ilk dəfə Azərbaycan badminton yarışlarında iştirak edib.
Ölkəmiz adına bu tarixi hadisəni indoneziyalı legionerimiz Edi Reski Dvicahyo reallaşdırıb.
L qrupunda yer alan milliləşdirilmiş badmintonçumuz bir qədər əvvəl yekunlaşan görüşdə Vyetnam təmsilçisi Tyen Min Nquyenlə qarşılaşıb. Təmsilçimiz görüşü 2:0 hesablı qələbə ilə başa vurub (21:14, 21:18).
Azərbaycan və Vyetnamla yanaşı L qrupunda Danimarka badmintoçusu da yer alıb. İlk görüşdə danimarkalı Anders Antonsen vyetnamlı rəqibinə qalib gəlib.
Sabah isə Azərbaycan və Danimarka təmsilçiləri qarşılaşacaq.
SPORTİNFO.AZ
.jpg)
