Azərbaycanda klub yaratdı, orduya 34000 manat yardım etdi

22 Oktyabr 2020 16:56 Sizdən Bizə 3 581
Azərbaycanda klub yaratdı, orduya 34000 manat yardım etdi

Azərbaycan yığmasının sabiq güləşçisi, SSRİ-nin əməkdar məşqçisi, uzun müddət Ukraynada yaşayan və Kiyev Azərbaycanlıları Konqresinə rəhbərlik edən veteranlar arasında dünya çempionu Oleq Krapiv Azərbaycan Silahlı Qüvvələrinə dəstək olub.

Sportinfo.az xəbər verir ki, o, ordumuz üçün yaradılmış fonda 20 min dollar (34 000 manat) köçürüb.

Oleq Krapivin Şamaxıda anadan olub. Doğulduğu şəhərdə hər il onun şərəfinə sərbəst güləş üzrə gənclər turnirlərinin keçirildiyi “Şirvan” idman klubunu tikdirib.

Krapivinin rəhbərliyi ilə Ukrayna-Azərbaycan, Heydər Əliyev adına təhsil, elm, mədəniyyət, idman mərkəzi qurulub. Azərbaycan dilini öyrənmək üçün bazar günü məktəbi açılıb. Onun köməyi ilə “Veten” vokal və rəqs ansamblı yaradılıb, Kiyevin “Bakuets” idman klubu açılıb.

2016-cı ildə Azərbaycan Prezidenti İlham Əliyev Oleq Krapivinə “Əməkdar Bədən Tərbiyəsi və İdman İşçisi” fəxri adını verib.

Digər Xəbərlər
Xəbər Lenti