"Səbail"dən ayrılaraq "Şaxtyor"a qayıdan, bir neçə gün əvvəl isə “Karpatı”ya keçən Maksim Çex klubun mətbuat xidmətinə açıqlama verib.
Sportinfo.az xəbər verir ki, ukraynalı Azərbaycandakı karyerasını da xatırlayıb:
"Ukraynanın gənclərdən ibarət yığmalarında Timofiy Suxar və Andrey Kojuxarla, "Mariopol"da Pavel Poloqenko ilə birlikdə oynamışıq.
Əminəm ki, komandada uyğunlaşma ilə bağlı problem olmayacaq. Azərbaycanda, "Səbail"də oynamaq yaxşı təcrübə idi.
Ancaq evə qayıtdığım üçün şadam. "Karpatı"nın hazırda birinci liqada çıxış etməsinin fərqi yoxdur. Önəmli olan odur ki, komandanın qarşısında konkret vəzifə var.
Maraqlı olacaq. Rəqibin hücumlarını “məhv” etməyi xoşlayıram. Mənim vəzifəm rəqibin cərimə meydançamıza yaxınlaşmasına imkan verməməkdir.
Bununla belə, ümumiyyətlə, hücum futbolunu xoşlayıram".
Çexin "Səbail"də qalacağı gözlənilsə də, maliyyə məsələsinə görə futbolçu geri qayıtmışdı.
