"Səbail”in hücumçusu Ağabala Ramazanovun sağlıq durumunda irəliləyiş var.
Qış fasiləsindən sonra komandasının bütün matçlarını tribunadan izləyən "10 nömrə" fiziki hazırlığa start verib
Müalicəsini hələ də davam etdirən yarımmüdafiəçinin topla çalışmalara nə vaxt başlayacağı isə məlum deyil.
Cari mövsümü başa vurduğu böyük ölçüdə dəqiqləşən futbolçunun karyerasını davam etdirməsi ilə bağlı narahatlıq qalmayıb.
Halbuki daha əvvəl həkimlər bu yöndə qərar verməyə tərəddüd edirdilər.
Xatırladaq ki, Ağabala "Turan Tovuz"a 2:1 hesabı ilə qalib gəldikləri Azərbaycan Premyer Liqasının XII turunun oyununda ciddi zədə alıb.
Və bu səbəbdən 3 aydan artıqdır yaşıl meydanlardan kənar qalıb.
XANOĞLAN / SPORTİNFO.AZ