"Sabah"da müqaviləsi bitən futbolçular sırasında Anatoli Nuriyevin də adı var.
Bir neçə gün əvvələ kimi onun klubu tərk etmək ehtimalı böyük idi.
Amma tərəflər arasında danışıqlar bərpa olunub.
Daha doğrusu "tələblər" yarımmüdafiəçiyə yeni müqavilə təklif edib.
Hazırda aktiv danışıqlar davam edir.
Qısa müddətdə 29 yaşlı futbolçunun buradakı taleyinə aydınlıq gələcək.
Anatoli 3 ildi Masazır klubunun formasını geyinir.
Milli komandamızın üzvü bu müddətdə meydana çıxdığı 105 görüşdə 12 qol, 18 məhsuldar ötürmə ilə yadda qalıb.
XANOĞLAN / SPORTİNFO.AZ
