.jpg)
"Serb mütəxəssis Marko Nikoliçin SSKA-nın baş məşqçi vəzifəsindən ayrılmasından sonra klubun əfsanələri olan Sergey İqnaşeviç və Vasili Berezutskinin bu vəzifəyə namizədliyinə baxılması maraqlı olardı".
Sportinfo.az xəbər verir ki, bu sözləri "Matç TV"yə SSKA-nın (Moskva) prezidentinin keçmiş müşaviri Valeri Nepomnyaşşi deyib.
O, bu vəzifədə "Sabah"ın baş məşqçisi Vasili Berezutskini görmək istədiyini gizlətməyib:
"Komandanı SSKA üzləri olmuş futbolçulardan kiminsə qəbul etməsi maraqlı olardı. Həm İqnaşeviç artıq buna hazırdır, həm də Vasya Berezutski hazırda Azərbaycanda uğurla çalışır.
SSKA-nın yeni təyinat zamanı nəyi əsas götürəcəyini bilmirəm. Komandanın böyük potensialı var. Aydındır ki, bəzi mövqeləri gücləndirmək lazım olacaq".
Vasili Berezutski 2024/25 mövsümündən "Sabah"ın baş məşqçisidir. Onun rəhbərliyi altında komanda tarixində ilk dəfə Azərbaycan kubokunu qazanıb.
.jpg)
