Azərbaycan Premyer Liqasının V turundan sonra bir futbolçu cəzalı duruma düşüb.
Sportinfo.az xəbər verir ki, bu, “Qəbələ”dən Rövlan Muradovdur.
Gənc yarımmüdafiəçi “Sumqayıt”la qarşılaşmada (1:1) sarı vərəqə alıb. Bu, onun cari mövsümün 5 turunda aldığı 4-cü xəbərdarlıq olub.
Muradov sarı vərəqə limitini doldurduğu üçün VI turu buraxmalı olacaq. Oktyabrın 17-də “Qəbələ” “Qarabağ”ın qonağı olacaq.
Rövlan cari mövsümdə 4 sarı vərəqə alan ilk futbolçudur. Əvvəlki turlarda qırmızı vərəqə üzündən cəzalı duruma düşənlər olsa da, xəbərdarlıq sayına görə belə halla üzləşən qeydə alınmamışdı.
Yalnız I turun “Zirə” ilə matçını vərəqəsiz tamamlayan Muradov sonrakı 4 oyunun hamısında xəbərdarlıq alıb.