“Neftçi” daha çox təzyiq göstərdi" -

“Neftçi” daha çox təzyiq göstərdi" - FOTOREPORTAJ

Azərbaycan Premyer Liqasında IV tura yekun vurulub.

Turun son qarşılaşması “Dalğa Arena”da baş tutub.

“Qəbələ” səfərdə “Neftçi” ilə qarşılaşıb. Baş məşqçi Elmar Baxşıyev ötən turla müqayisədə start heyətində iki dəyişiklik edib. Murad Musayev və Ülvi İsgəndərov ilk dəqiqələrdən meydana çıxıb. Onlar Asif Məmmədovla Nikolas Rayseli əvəzləyib.

Görüş qarşılıqlı hücumlarla başlayıb. “Qəbələ” ilk qol epizodunu 9-cu dəqiqədə yaradıb. Ülvi İsgəndərovun baş zərbəsi dəqiq olmayıb. Az sonra cərimə meydanında əlverişli mövqedə olan Rövlan Muradov zərbə imkanını qaçırıb.

Stefan Vukçeviç də baş zərbəsi yaddaqalan olub. Oyunun 32-ci dəqiqəsində Rövlan cərimə zərbəsindən hesabı açıb. Buraxılan qoldan sonra meydan sahibləri fəallığı artırıb ki, bu da “qırmızı-qaralar”a əks-hücum imkanları yaradıb. Lakin futbolçularımız bu həmlələri dəqiq zərbə ilə tamamlaya bilməyib.

Fasilədən sonra da görüşün ssenarisi dəyişməyib. Komandalar qarşılıqlı hücumlar təşkil etsə də, qapılar önündə real qol vəziyyətləri yaratmaqda çətinlik çəkib.

“Qırmızı-qaralar” əsasən standart vəziyyətlərdə daha təhlükəli olub. Anar Nəzirov da meydan sahiblərinin hesabda tarazlıq yaratmaq imkanına imkan verməyib.

İcarədən sonra komandaya dönən Ceyms Ademiyi də bu görüşdə şans qazanıb. Qarşılaşmanın sonlarında zədələnən Yurgen Qoxa isə meydanı vaxtından əvvəl tərk edib.

Oyuna əlavə olunmuş dəqiqələrdə paytaxt təmsilçisi bərabərlik qolu vura bilib. Beləliklə, “Qəbələ” “Neftçi” ilə səfər matçında bir xal qazanıb – 1:1.

“Qəbələ”nin baş məşqçisi Elmar Baxşıye: “Ordumuzun qazanılan qələbəsi münasibətilə dövlətimizi və xalqımızı təbrik edirik. İnanırıq ki, qarşıdakı günlərdə ordumuz bizi daha da sevindirəcək və torpaqları geri qaytaracağıq.

Matça gəlincə, maraqlı oyun oldu. Hər iki komanda hücum futbolu nümayiş etdirdi. Sərgilədiyimiz oyundan məmnunam. İstədiyimiz futbolu göstəririk.

Oyundan-oyuna daha baxımlı oyun nümayiş etdirəcəyimizə inanıram. Hər qarşılaşmaya rəqibin kimliyindən asılı olmayaraq diqtə edən oyun seçirik. Bu, bəzən alınır, bəzən isə yox.

“Neftçi” ilə oyuna 3 xal üçün gəlmişdik. Bir xal qazandıq. Amma futbolçularımı da əməyini dəyərləndirmək lazımdır. Bizim işimiz komandaya qiymət verməkdik.

Məncə, hakim görüşü normal idarə etdi. Sonda qol buraxmağımızı konsentrasiya və ya yorğunluqla əlaqələndirməzdim. “Neftçi” tempi artırıb daha çox təzyiqi göstərdi.

Bunun nəticəsində müdafiədə səhv edib qol buraxdıq. Ceyms Adeniyi tanıdığımız futbolçudur. Uzun müddət futboldan kənar qalıb. Güvəndiyimiz oyunçudur. Onun komandaya faydası olacaq”.

"Neftçi” – “Qəbələ” 1:1

“Dalğa Arena”, tamaşaçısız

Baş hakim: Rəhim Həsənov

Baş hakimin köməkçiləri: Namiq Hüseynov, Eyyub İbrahimov

Dördüncü hakim: Fərid Hacıyev

Hakim-inspektor: İmanxan Sultani

AFFA nümayəndəsi: Aslan Şahgəldiyev

Sarı vərəqələr: Emin Mahmudov, 56 (qeyri-idman hərəkəti); Ömər Buludov, 62 (qeyri-idman hərəkəti); Mirabdulla Abbasov, 90 (hakimin qərarına etiraz) // Merab Qiqauri, 4 (qeyri-idman hərəkəti); Rafael Utriq, 45 (qeyri-idman hərəkəti); Rövlan Muradov, 77 (oyunun bərpasının ləngidilməsi)

Qollar: Sabir Buqrin, 90+4 // Rövlan Muradov, 32

Artırılan vaxt: I hissədə 1 dəq; II hissədə 6 dəq.

Neftçi”

30. Aqil Məmmədov

7. Namiq Ələsgərov

8. Emin Mahmudov (k)

3. Mamadu Mbodj

36. Mamadu Kane

6. Voyislav Stankoviç

10. Saman Nərimancahan

(29. Sabir Buqrin, 60)

13. Prins İbara