Braziliyanın “Vitoriya” klubunun hücumçusu Eronildo dos Santos Roşanın karyerasını "Qəbələ"də davam etdirəcəyi barədə yenidən xəbərlər yayılıb.
22 yaşlı forvardın "qırmızı-qaralar"a keçidini rəsmiləşdirmək üçün Azərbaycana gəldiyi bildirilir.
İddiaya görə, “Vitoriya” futbolçusunu 1 illik icarəyə verib. “Qəbələ“ Braziliyanın U-17 millisində keçirdiyi 7 oyunda 1 qol vuran Erona təklif göndərsə və özüylə razılaşma əldə etsə də, klublar müqavilə şərtlərində ortaq məxrəcə gəlməyib.
Əyalət təmsilçisindən Sportinfo.az-a verilən məlumata görə, adıçəkilən legionerin məsələsi artıq bağlanıb. Əvəzində Braziliyanın B Seriyasında çıxış edən "Parana"nın qolçusu Rafael Alemao bu gün Bakııya təşrif buyuracaq.