"Vitoriya"nın futbolçusu Eronildo dos Santos Roşanı heyətinə qatmaq istəyən Azərbaycan təmsilçisinin adı bugünlərdə bəlli oldu.
"Qəbələ" 22 yaşlı hücumçunu icarəyə götürmək istəyib.
Oyunçunun agenti Antonio Qustavo təklifin "Vitoriya"nı razı salmadığını və klub tərəfindən rədd edildiyini bildirib. Eronildo dos Santos Roşa Braziliyanın U-17 yığmasının formasını geyinib.
Braziliya komandasını razı slmayan təklif forvardın maliyyə öhdəliyi ilə bağlıdır. Belə ki, "Qəbələ" onun aylıq maaşının yalnız 50 faizini ödəmək istəyində bulunub.
"Vitoriya" isə futbolçusunun əməkhaqqısından tamamilə qurtulmaqla yanaşı, müyyən məbləğdə təzminat tələbi irəli sürüb.
Qısaca olaraq "Eron" adlandırılan hücumçu legioner həyatı yaşamaq arzusunda olmasıınıı bildirməsi də, klubunun rəhbərliyini fikrindən daşındırmayıb.
SPORTİNFO.AZ