“Parana”nın yarımmüdafiəçisi Rafael Alemao Azərbaycana köçməkdə israrlıdır.
Sportinfo.az-ın Braziliya mətbuatına istinadən məlumatına görə, 24 yaşlı vinger Avropaya yollanmaq və orada legioner həyatı yaşamaq arzusundadır.
Alemaonun onunla maraqlanan “Qəbələ”yə keçmək istəməsinin digər səbəbi “Parana”nın heyətində edilən dəyişikliklərdir. Komanda B seriyasında yeni mövsümə uğurlu start götürsə də, maliyyə problemləri səbəbindən aparıcı futbolçular bir-bir yola salınır.
Sağ cinah oyunçusu da müqaviləsinə xitam verilməsinə və azad agent kimi “Qəbələ”yə keçməyə çalışır. Rafael Alemao ötən ilin yanvarından “Parana”nın formasını geyinir.
