«Qəbələ» yeni mövsüm öncəsi ikinci legioner transferini reallaşdırıb.
Sportinfo.az xəbər verir ki, ölkə kubokunun son sahibi "Tirana"dan (Albaniya) dəvət etdiyi Yurgen Qoxanın ardınca, Stefan Vukçeviçi rənglərinə bağlayıb.
23 yaşlı futbolçu ilə 1+1 illik müqavilə imzalanıb. Karyerasına 2013-cü ildə başlayan Vukçeviç indiyədək yalnız bir klubda çıxış edib. O, vətənində “Zeta”nın şərəfini qoruyub.
Vukçeviç Monteneqronun yüksək dəstəsində ümumilikdə 173 oyuna 4 qol vurub. O, 2019/20 mövsümündə 28 görüşdə 1 dəfə fərqlənib. “Zeta”nın heyətində avrokuboklarda da çıxış etmiş müdafiəçi Monteneqronun U-17, U-19 və U-21 yığmalarının formasını geyinib.
.