«Qəbələ» yeni mövsümdə 6-7 legionerin xidmətindən istifadə edəcək.
Bu barədə Sportinfo.az-a klubun baş meneceri Zaur Əzizov məlumat verib.
Onun sözlərinə görə, Merab Qiqauri, Rodriqo Qattas və Yaovi Akakponun növbəti «futbol ili»ndə də qırmızı-qara formanı geyinməsi dəqiqləşib. Hazırda daha 3 legionerlə müqavilənin yenilənməsi istiqamətində danışıqlar gedir.
Bunlar fransalı Abdelrafik Jerar, sloveniyalı Nikolas Raysel və ispaniyalı Fernan Lopezdir: «Onlara öz şərtlərimizi demişik. Hesab edirik ki, bu futbolçular komandamıza fayda verə bilər. Hər halda bu mövsüm onların potensialını gördük. Ümid edirik ki, danışıqlar uğurla başa çatacaq».