Xəbər verdiyimiz kimi, “Qəbələ” də başqa klublar kimi təmsil etdiyi rayonda bir araya gəlib.
Sportinfo.az xəbər verir ki, vətəninə yola düşən legionerlərin heç biri hələlik düşərgəyə qayıtmayıb.
Ümumilikdə, komanda 21 futbolçu ilə toplanışa start verib ki, onlardan üçü əcnəbidir Merab Qiqauri və Rodriqo Qattas ilə danışıqlar, demək olar ki, yekunlaşıb.
Yaxın günlərdə hər iksi ilə yeni müqavilə imzalanacaq. Yaovi Akakpo da kollektivlə birgədir.
Komanda üzvləri artıq koronavirus testindən keçiblər. Digər legionerlərin taleyinə gəlincə, onların bəziləri ilə danışıqlar aparılacaq. Yəqin ki, yaxın günlərdə onlarla bağlı suallara da aydınlıq gələcək.