"Boş vaxtım çox olur və açığı, heç vaxt kitab oxuyacağımı düşünməzdim".
Sportinfo.az xəbər verir ki, bu sözlər "Qəbələ"nin hücumçusu Ceyms Adeniyiyə məxsusdur.
2018-ci ilin yayında "Qəbələ" ilə 3 illik müqavilə imzalamış və ötən yay "Hapoel"ə (Kiryat-Şmona) icarəyə verilmiş nigeriyalı legioner karantin dövründəki məşğuliyyətlərindən söz açıb.
Hazırda İsraildə olan afrikalı forvard hər gün nahardan sonra kitab oxuduğunu qeyd edib: "Artıq iki kitabı oxuyub bitirmişəm və üçüncüyə başlamaq istəyirəm. Mütaliəni hamıya tövsiyə edirəm. Çox oxuya bilmirəm, nədənsə yuxuya gedirəm. Hələlik gün ərzində 40-50 dəqiqə kitab oxuyuram".
.jpg)
