"Qəbələ" Futbol Akademiyasında yeni mövsümdən bəzi dəyişiklər olacağını xəbər vermişdik.
Belə ki, burada çalışan məşqçilərlə yolların ayrılması və onların əvəzinə Qəbələdə yaşayan yerli mütəxəssislərə üstünlük verilməsi gözlənilir.
Məsələ ilə bağlı "Qəbələ" Futbol Akademiyasının direktor müavini Nail Kərimov Sportinfo.az-a bunları deyib:
"Ümumiyyətlə, işçi heyəti ilə bağlı belə məsələlər var. Növbəti il üçün olan planlar haqda indidən nəsə danışa bilmirik. Çünki bu büdcədən, maliyyə məsələlərindən asılıdır. Amma müəyyən dəyişiklərin olacağı gözlənilir. Və bu dəyişiklər sırf maliyyə ilə bağlıdır".