Belarusun ən bahalı futbolçularının siyahısı açıqlanıb.
Sportinfo.az xəbər verir ki, siyahıda 7 oyunçu yer alıb.
Onlar arasında karyerası Azərbaycanla bağlı olan futbolçu da var. Bu, Mixail Sivakovdur. 32 yaşlı futbolçunun transfer qiyməti 950 min avro ilə ölçülür. O, siyahıda 6-cı olub.
“Qəbələ”nin sabiq müdafiəçisi 2014/15 mövsümündə Azərbaycan Premyer Liqasının bürünc medalını qazanıb. Vaxtilə İtaliyanın “Kalyari” klubuna transferi ilə özündən söz etdirən Sivakov 2018-ci ildən Rusiya “Orenburq”unun şərəfini qoruyur.