"Qəbələ"də sevincli xəbər üzərinə sevinc gəldi - FOTOLAR

23 May 10:10 Qəbələ 401
"Qəbələ"də sevincli xəbər üzərinə sevinc gəldi - FOTOLAR

AFFA-nın İcraiyyə Komitəsi koronavirus pandemiyası ilə əlaqədar yaranmış mövcud vəziyyəti nəzərə alaraq, qurumun bayrağı altında keçirilən liqalarla bağlı qərar qəbul edib.

Sportinfo.az xəbər verir ki, “Qəbələ”nin mübarizə apardığı Azərbaycan Premyer Liqası və Azərbaycan kuboku ilə bağlı məsələyə növbəti həftələrdə baxılması məqsədəuyğun sayılıb.

Bu, pandemiya ilə əlaqədar vəziyyət və Nazirlər Kabineti yanında Operativ Qərargahın qəbul etdiyi qərarlar nəzərə alınmaqla gerçəkləşəcək.

Təhsil müəssisələrində tədris prosesi ilə bağlı qəbul olunan müvafiq qərarlar nəzərə alınaraq, AFFA-nın təşkilatçılığı ilə keçirilən U-9, U-10, U-11, U-12, U-13, U-14, U-15, U-16, U-17 liqalarında, U-11, U-13, U-16 və Yüksək qızlar liqalarında, “Coca-Cola Məktəbli Kuboku” turnirində, Region Liqasında mövsüm başa çatdırılıb.

Final mərhələsi pley-off sistemi ilə keçirilən turnirlər istisna olmaqla, digər liqalarda hazırda turnir cədvəlində birinci pillədə olan komandalar qalib elan edilib.

Nəticədə “Qəbələ”nin iki komandası - U-15 və U-16 ölkə çempionu olub. Sonuncular 22 matçdan 57, U-15 isə 16 oyunda topladığı 46 xalla qızıl medallara yiyələnib. Keçirdiyi 18 görüşdə 32 xal yığan U-17 isə mövsümü 6-cı yerdə başa vurub.

Koronavirusla bağlı müsbət istiqamətdə dəyişikliklər baş verərsə, Nazirlər Kabineti yanında Operativ Qərargahın qəbul etdiyi qərarlar nəzərə alınmaqla, qalib bilinmədən yekunlaşdırılmış liqaların komandaları arasında mini-turnirlərin təşkil olunması nəzərdə tutulub.

“Qəbələ”nin U-19 komandasının 15 matçdan sonra 33 xalla lideri olduğu AFFA-nın Gənclər Liqası ilə bağlı məsələyə UEFA ilə məsləhətləşmələrin nəticəsi, koronavirus pandemiyası ilə əlaqədar vəziyyət və Nazirlər Kabineti yanında Operativ Qərargahın qəbul etdiyi qərarlar nəzərə alınmaqla növbəti həftələrdə baxılacaq.

Xəbər Lenti
4 Avqust 17:38 "Barselona" qiymət qoydu