“Qarabağ”ın sabiq qapıçısı İbrahim Şehiç karyerasını “Beşiktaş”da davam etdirə bilər.
Sportinfo.az xəbər verir ki, “qara qartallar”ın baş məşqçisi Sergen Yalçının köməkçisi bosniyalı ilə təmasa keçib.
Şehiç 2013-18-ci illərdə “Qarabağ”da çıxış edib. Məlumata görə, gənc mütəxəssisinin köməkçisi Çağdaş Atan Şehiçə zəng vuraraq “bizimlə çalışmaq istəyirsən?” söyləyib.
31 yaşlı qapıçısı isə cavabında “bəli, “Beşiktaş”da oynamağı çox istəyirəm. Ancaq hazırda “Ərzurumspor”a köklənmişəm. Transfer dönəmində şərtlər uyğun olarsa, orada oynamaq istəyərəm” deyib.
Türkiyə mətbuatı Sərgən Yalçının rəhbərlikdən israrla Şehiçi istədiyini yazıb. Təcübəli qapıçının maliyyətinin az olması transferin gərçəkləşmə ehtimalını artırır. Bonsiyalı oyunçunun mövsüm sonu “Ərzurumspor”la müqaviləsi sona çatacaq.
