“Hər ikisi peşəkar klubdur və hər ikisi meydana qələbə qazanmaq üçün çıxır”.
Bu sözləri Sportinfo.az-a açıqlamasında “Qarabağ”ın mərkəz müdafiəçisi Bense Varkonyi deyib.
23 yaşlı macarıcstanlı legioner avrokubok həyəcanını ilk dəfə “Qarabağ”la yaşadı. Eyni zamanda Premyer Liqada ilk dəfə meydana çıxdı.
Bu iki turnirin arasındakı fərqlər nədən ibarətdir? Məsələn, “Dinamo” və “Şamaxı”ya qarşı oyunlar bir-birindən nə ilə fərqlənir?
Varkonyini dinləyək:
“Bilirəm ki, bütün komandalar bizi udmağa və özünü sübut etməyə çalışır. “Dinamo” olsun, ya “Şamaxı” - fərq etmir.
Sadəcə, avrokuboklarda uduzmaq mübarizəni dayandırmaqla nəticələnir.
Çempionatda bir az fərqlidir, bu gün itirdiyin xalları sabah bərpa edə bilirsən. Fərq yalnız budur“.
