"Qarabağ" təcrübəli komandadır”.
Sportinfo.az xəbər verir ki, bu barədə "Tvente"nin (Niderland) futbolçusu Ramiz Zerruki deyib.
28 yaşlı yarımmüdafiəçi Azərbaycan təmsilçisinə qarşı keçirəcəkləri Konfrans Liqasının pley-off mərhələsinin ilk oyunundan əvvəl fikirlərini bölüşüb:
"Oyuna tam hazırıq. Rəqib futbol oynamağı sevən təcrübəli komandadır. Meydanda əsl güc balansının necə olduğunu görəcəyik".
Əlcəzairli oyunçu qarşılaşmanı səbirsizliklə gözlədiklərini söyləyib:
"Cütün taleyi iki oyundan sonra həll olacaq. Amma ümid edirik ki, çox vacib addım atacağıq.
Avropa Liqasında mübarizəni dayandırmağımız məyusedici idi. Amma indi bu turnirə diqqət yetirməliyik".
"Tvente" – "Qarabağ" qarşılaşması avqustun 20-də, Bakı vaxtı ilə saat 22:00-da başlayacaq.
Cavab matçı avqustun 27-də, saat 20:00-da Tofiq Bəhramov adına Respublika stadionunda keçiriləcək.
