Premyer Liqanın ikinci turuna təsadüf edən "Qarabağ" - "Kəpəz" oyunu təxirə salına bilər.
Ağdam klubu bu təkliflə bölgə klubuna müraciət edib.
Səbəb "köhlən atlar"ın avrokuboklardakı matçı göstərilib.
UEFA Konfrans Liqasının pley-off mərhələsində keçiriləcək "Tvente" - "Qarabağ" oyunun ilk matçı 20 avqust, cavab görüşü isə 27 avqust tarixində keçiriləcək.
"Kəpəz"lə oyun isə iki qarşılaşma arasındakı 1 həftəyə təsadüf edir.
Qurban Qurbanov komandasının cavab görüşünə daha yaxşı hazırlaşması üçün "Kəpəz"lə matçın təxirə salınmasını məqsədəuyğun hesab edib.
XANOĞLAN/ SPORTİNFO.AZ
