«Qarabağ»ı bu yay tərk edən futbolçuların sayı 9-a çatıb.
Saytımız az öncə çox önəmli xəbər alıb.
Redaksiyamıza daxil olan informasiyaya görə, Ağdam klubu Kamilo Duranla vidalaşıb. Kolumbiyalı hücumçu bundan sonra karyerasını Şotlandiyada davam etdirəcək. Ağdam təmsilçisi onu «Seltik»ə satıb - tərəflər arasında bütün şərtlər razılaşdırılıb.
“Qarabağ” Kamilo Duranı ötən ilin yayında Portuqaliyadan -“Portimonense”dən 200 min funt sterlinqdən də az məbləğə transfer etmişdi.
24 yaşlı forvar ötən mövsüm Çempionlar Liqasında 10 oyunda 5 qol vurub.
Duran bu yay “Seltik”in Aleks Oksleyd-Çemberlendən sonra ikinci transferi olub.
«Qarabağ» kolumbiyalıdan öncə Toral Bayramov, Emmanuel Addai, Ramil Şeydayev, Sami Mmae, Kevin Medina, Fabian Buntiç, Amin Ramazanov və Leandro Andrade ilə vidalaşıb.
SPORTİNFO.AZ
