“Omoniya”nın legioneri Jali Mouaddib “Qarabağ”la danışıqları yekunlaşdırmaq üzrədir.
Sportinfo.az xəbər verir ki, bu barədə Kipr mətbuatı məlumat yayıb.
Bildirilir ki, 25 yaşlı sol vinger Azərbaycan klubuna keçməyə çox yaxındır.
Mərakeş əsilli fransalı oyunçunun “Qarabağ”la ilkin razılığa gəlməsi Kiprin böyük klublarını da hərəkətə gətirib.
Belə ki, klublar daxili birincilikdə çıxış edən digər güclü futbolçuları əldən buraxmamaq üçün onlara transfer təklifləri göndərirlər.
Jali Mouaddibin “Omoniya” ilə müqavilə müddəti mövsümün sonuna qədər olduğundan, oyunçu iyunda “Qarabağ”a azad agent kimi keçə biləcək.
Mouaddib 2019-cu ildə Fransanın U-19 millisinin formasını geyinib.
