“Qalatasaray”a qarşı meydana çıxacaq FUTBOLÇULARIN SİYAHISI

23 Mart 2023 21:00 Qarabağ 7 114
“Qalatasaray”a qarşı meydana çıxacaq FUTBOLÇULARIN SİYAHISI

Martın 26-da Azərbaycan və Türkiyənin sevilən komandaları – “Qarabağ”la “Qalatasaray” qarşılaşacaq.

Oyunla bağlı önəmli suallardan biri ağdamlıların heyətində “cim-bom”a qarşı hansı futbolçuların iştirak edəcəyidir.

Azərbaycan, Gürcüstan və Monteneqro yığmalarına dəvət olunan 9 nəfərdən başqa (Bəhlul Mustafazadə, Elvin Cəfərquliyev, Toral Bayramov, Riçard Almeyda, Filip Ozobiç, Ramil Şeydayev, Musa Qurbanlı, Luka Quqeşaşvili, Marko Veşoviç) 3 futbolçu zədəlidir (

Şahruddin Məhəmmədəliyev, Abbas Hüseynov, Bədavi Hüseynov). Daha 2 futbolçunun (Marko Yankoviçlə Amin Ramazanov) oynayıb-oynamayacağı sual altındadır.

Belə olduğu halda “Qalatasaray”a qarşı şans qaza biləcək futbolçuların, yəni son günlər məşqlərdə iştirak edən oyunçuların adını təqdim edirik:

Maksim Medvedev, Kevin Medina, Rahil Məmmədov, Qara Qarayev, İsmayıl İbrahimli, Julio Romao, Nəriman Axundzadə, Yassin Benzia, Abdulla Zubir, Adama Diakabi, Leandro Andrade, Redon Cica.

Yoldaşlıq-qardaşlıq oyunu martın 26-da Bakı Olimpiya Stadionunda keçiriləcək və saat 20:00-da başlayacaq.

Görüşdən əldə olunacaq bütün gəlirlər qardaş Türkiyədə baş vermiş zəlzələdən əziyyət çəkənlərə yardım üçün göndəriləcək.

HƏBİB / SPORTİNFO.AZ

Digər Xəbərlər
Xəbər Lenti
12 Aprel 19:50 Çək və bizə göndər!
12 Aprel 07:30 Bu məhsullar bahalaşıb