Azərbaycanın qadın futbolçulardan ibarət yığması dünya çempionatının seçmə mərhələsində son oyununu keçirib.
Sportinfo.az xəbər verir ki, C liqasının 3-cü qrupunda yer alan Siyasət Əsgərovun baş məşqçisi olduğu komanda səfərdə Şimali Makedoniya ilə üz-üzə gəlib.
Bitola şəhərindəki "Petar Miloşevski" stadionunda gerçəkləşən qarşılaşma Azərbaycanın qələbəsi ilə yekunlaşıb - 3:1.
Komandanın qollarını Kristina Bakarandze (8), Manə Mollayeva (28), Nigar Mirzəliyeva (37) vurub.
Qeyd edək ki, qrupda Macarıstan 16 xalla birinci, Azərbaycan 12 xalla ikinci, Şimali Makedoniya 6 xalla üçüncü, Andorra isə 1 xalla dördüncü pillədə yer alıb.
Azərbaycan – Şimali Makedoniya 3:1
Qollar: Kristina Bakarandze, 8, Manə Mollayeva, 28, Nigar Mirzəliyeva, 37 // Mustafa, 11
Bitola, "Petar Miloşevski" stadionu
.jpg)
