Ermənistanın baş naziri Nikol Paşinyan “Azadlıq” radiosunun erməni xidmətinə müsahibəsində Azərbaycan və Ermənistan arasındakı münasibətlərdən danışıb.
Paşinyan əsas fikir ayrılığının Qarabağla bağlı olduğunu bildirib.
“Sülh sazişinin imzalanmasından sonra onun həyata keçirilməsinə təminat verilməsi mexanizmi mühüm məsələ olaraq qalmaqda davam edir.
Mən beynəlxalq mexanizmləri, eləcə də yerli mexanizmləri, xüsusən də qoşunların çıxarılmasını nəzərdə tuturam. Bizim demilitarizasiya zonamız olmalıdırmı?”- deyə Paşinyan bildirib.
O qeyd edib ki, Vaşinqtonda başlayan danışıqlar Moskvada davam etdirilə bilər.
