"Krasnodar"ın braziliyalı yarımmüdafiəçisi Kadi Borgesin vəziyyəti açıqlanıb.
Sportinfo.az xəbər verir ki, sabiq "Qarabağ"lı legioner zədə səbəbindən bu mövsüm "Krasnodar"a kömək etməyəcək.
Çünki "sambaçı" yaxın günlərdə əməliyyat olunacaq.
Bu ilin əvvəlində 5 milyon avroya satılan Kadi Premyer Liqa matçının ikinci hissəsində rəqibin yarımmüdafiəçisi ilə toqquşub.
Huşunu itirən Kadi meydandan çıxarılıb. Sonra o, təcili-tibbi yardım maşını ilə xəstəxanaya aparılıb. Beyni silkələnən futbolçunun üz sümüyündə sınıq da aşkarlanıb.
