.jpg)
“Ermənistanın baş naziri Nikol Paşinyanın dəliliyini dayandırmağın vaxtı çatıb”.
Bu barədə Daşnaksütyun İdarə heyətinin üzvü, Fransa Erməni Təşkilatlarının Koordinasiya Şurasının həmsədri Murad Papazyan bildirib.
Onun sözlərinə görə Paşinyan hökuməti Njde Qaragavuryan adlı bir daşnakın Ermənistana gəlişinə qadağa qoyub. Bu rəsmi İrəvanın gəlməsini yasaqladığı dördüncü daşnakdır.
Papazyanın bildirdiyinə əsasən özündən başqa Masis və Süne Abramyanın da Ermənistana gəlməsi mümkün deyil.
“Nikol Paşinyan bu dözülməz qərarları verməklə, əslində, özünü avtoritar lider kimi göstərir. Bu, Ermənistanı zəiflədir. Bu, Ermənistanın beynəlxalq aləmdə reputasiyasına xələl gətirir.
Paşinyanın heç bir hüquqi əsas olmadan bizi “persona non qrata” hesab etməsi qəbuledilməzdir.
O, bizim Ermənistana girməyimizi qadağan edə bilər, amma Ermənistanın bizdə olmasına mane ola bilməz”,-deyə o yazıb.
Ermənistan hökumətinin sonuncu yasaqladığı Njde Qaragüvuryan həm də“Yeni Nəsil” Fransa Gənclər Birliyinin Mərkəzi Bölməsinin sədridir.
