Ermənistan baş naziri Nikol Paşinyanın xüsusi tapşırıqlar üzrə səfiri Edmon Marukyan Rusiya, Ermənistan və Azərbaycan liderlərinin Soçidə keçirilən üçtərəfli görüşü ilə bağlı maraqlı açıqlama verib.
O, bu barədə yerli “civilnet.am” saytına müsahibəsində danışıb.
“Ermənistan sona qədər sənəddə “Dağlıq Qarabağ” ifadəsinin salınmasında israr etdi, lakin Azərbaycan bununla razılaşmadı”, - Marukyan “bəyanatda Dağlıq Qarabağa dair heç bir qeydin olmadığı” ilə bağlı tənqidlərə bu sözlərlə münasibət bildirib.
Bununla bərabər erməni siyasətçi bəyanatda Praqada razılaşmaların təsdiqləndiyi ilə bağlı müddəanı erməni tərəfinin nailiyyəti adlandırıb.
