Nədənsə avrokuboklarda əsas müzakirə mövzusu yerli oyunçuların çıxışıdır.
Olsun.
Mən də razıyam ki, həmyerlilərimizin performansı ürəkaçan deyil.
Amma bizi məyus edən yalnız onlardımı?
Təbii ki, yox.
"Qarabağ"da penalti zərbəsini qeyri-dəqiq vuran braziliyalı Kadi Borqes idi.
Çətin Split səfərində 43 dəqiqə "Zirə"ni azlıqda qoyan mozambikli Guima idi.
52-ci dəqiqədə qırmızı vərəqə alaraq "Araz Naxçıvan"ın Yunanıstanda böyük üstünlüyü əldən verməsinə qapı açan braziliyalı İqor Ribeyro idi.
Hələ Bakıda 80, Spilitdə 75 dəqiqə varlığı ilə yoxluğu bilinməyən David Volkovdan, 73-cü dəqiqədə oyuna girib, 100-cü dəqiqədə heç ilə yadda qalmadığı üçün əvəzlənən Yeqor Boqomolskidən, aşağı səviyyəli "Petrokub"a qarşı oyunda meydana çıxan Neqoş Kupusoviçin peşəkar futbolçuya yaraşmayan zərbələrindən danışmıram.
XANOĞLAN İMANOV
