"Neftçi" Renat Dadaşovun istəyini geri çevirib.
Azərbaycan millisinin forvardı hazırda klubsuzdur.
27 yaşlı futbolçu menecerlər vasitəsilə özünü "ağ qaralar"a təqdim edib.
Hətta bir neçə dəfə.
İlk müraciətlə sonuncu arasında ciddi maaş endirimi də olunub.
Lakin bütün cəhdlərə rəğmən "Neftçi" tərəfi Renat Dadaşovu istəmədiyini bildirib.
Dadaşovun sonuncu klubu Polşanın "Motor"u olub.
O, burada keçirdiyi 22 görüşdə heç nə ilə yadda qalmayıb.
Forvardın Azərbaycan millisində 45 görüşdə 7 qolla yadda qaldığını bildirək.
XANOĞLAN/ SPORTİNFO.AZ
