“Başımızı dik tutub, nikbin əhval-ruhiyyədə davam etməliyik”.
Bu sözləri Sportinfo.az-a açıqlamasında ”Neftçi”nin müdafiəçisi Kosmin Kostin deyib.
Paytaxt təmsilçisi 16 turdan sonra Premyer Liqada 20 xal toplayıb. Turnir cədvəlinin səkkizinci pilləsində qərarlaşan «ağ-qaralar» lider «Sabah»dan 17 xal geri qalır.
Rumıniyalı legioner komandanın gələcəyini necə təsəvvür edir? Onu dinləyək:
«Bəli, fərq get-gedə artır. Qısa müddətdə yeni baş məşqçidən nələrsə öyrənməyə çalışdıq. İnanıram ki, zamanla daha yaxşı işlər görəcəyik. Vəziyyətimiz kritikdir, ancaq açığı, mən hələ də nikbinəm. Fikirləşirəm ki, qış fasiləsindən sonra bu çətinliklərdən xilas ola bilərik. Bizə ardıcıl üç-dörd qələbə lazımdır. Gərək bu qış fasiləsində yaxşı çalışaq və müsbət nəticələrə köklənək».
