"Neftçi” heyətini növbəti legionerlə gücləndirə bilər.
Sportinfo.az Ukrayna mediasına istinadən xəbər verir ki, paytaxt təmsilçisi “Polesye” klubunun müdafiəçisi Danilo Beskorovaynı ilə maraqlanır.
“TaToTake”nin məlumatına görə, 26 yaşlı mərkəz müdafiəçisi zədələr səbəbindən cari mövsümdə cəmi 4 oyunda iştirak edib. Odur ki, Jitomir klubu futbolçu ilə bağlı təklifləri dəyərləndirməyə hazırdır.
Qeyd edək ki, “Neftçi”nin hazırkı baş məşqçisi Yuri Vernidub Danilo Beskorovaynı ilə əvvəllər də çalışıb. Ukraynalı müdafiəçi daha əvvəl Vernidubun rəhbərliyi altında “Krivbas” klubunda çıxış edib.
