34 yaşlı dünyaşöhrətli amerikalı futbolçu Meqan Rapino "İlin idman adamı" seçilib. Sportinfo.az xəbər verir ki, 1954-cü ildən fəaliyyət göstərən "Sports Illustrated" jurnalının təqdim etdiyi ənənəvi mükafatı 66 illik tarixində qazanan dördüncü qadın olub.
Ötən həftə "France Football"ın təsis və təqdim etdiyi qadınlar arasında "Qızıl Top"u qazanan ABŞ millisinin lideri yayda yığma ilə Dünya çempionu olub, Meqan da mundialın ən yaxşı futbolçusu seçilib. O, DÇ-də 6 qolla bombardir ünvanına da sahib çıxıb.
