AFFA-nın təşkilatçılığı ilə keçirilən liqalara nəhayət, bu gün start verilir.
Sportinfo.az xəbər verir ki, U-16 Liqasında 1-ci turun oyunları keçiriləcək.
Təəssüf ki, çempionatda nə qədər komandanın iştirak edəcəyi dəqiq bilinmir. Məsələ burasındadır ki, U-15 millimizin U-16 Liqasında çıxış edəcəyi gözlənilsə də, bu, oxuduğunuz xəbər hazırlananda hələ təsdiqini tapmamışdı. Güman ki, günün sonuna kimi hər şey məlum olacaq.
Eyni sözləri Gənclər Liqasında çıxış etməli olan U-17 millimiz haqqında da demək olar. Doğrudur, 8 komandanın çıxış etdiyi Gənclər Liqasında artıq, 1-ci tura yekun vurulub. U-17 millimizin iştirakı həllini taparsa, gələn turdan bu komanda sözügedən liqada mübarizəyə qoşuacaq.
U-15 və U-17 Liqalarına gəlincə, oyunlar şənbə-bazar günləri keçiriləcək və ilk turun təqvimi haqqında bir qədər sonra məlumat verəcəyik. Hələliksə, U-16 Liqasında açılış turunun oyunlarını nəzəriniə çatdırırıq:
27 sentyabr
12:00 «Zirə» - ROİL (Aviasiya Akademiyasının stadionu)
13:00 «Səbail» - «Sabah» (Bayıl Arena)
14:00 «Keşlə» - «Viləş» («ASK Arena», 4-cü meydan)
14:00 «Qarabağ» - İsgəndər Cavadov BFA («Sərhədçi» OİK-nin meydanı)
14:00 «Turan Tovuz» - «Neftçi» İK İB (Tovuz şəhər stadionu)
14:00 «Qəbələ» - Gəncə TİM (Qəbələ şəhər stadionu)
14:00 «Sumqayıt» - «Neftçi» (Sumqayıt şəhəri, «Kapitalbank Arena»)
