.jpg)
«Kəpəz»in İdarə Heyətinin sədri İlqar Nadiri baş məşqçi Tərlan Əhmədovdan növbəti dəfə narazı qalıb.
Buna səbəb çalışdırıcının klubda mövcud olan problemlər barədə mətbuata açıq danışmasıdır.
Belə ki, mütəxəssis «Zirə» ilə Gəncədə 1:1 bitən qarşılaşmadan sonra media önünə çıxaraq, çatışmazlıqları sadalayıb:
«Avtobusu, tərcüməçisi, vitamini olmayan komadanın Premyer Liqada qalmasına çalışıram. Mövsümün sonunda istirahət etmək istəyirəm.
İki il istirahət etdim. Gərək istirahətimi dayandırmazdım. Stress yaşayıram».
Nadiri bu açıqlamanı Əhmədova irad tutub, «hara gəldiyini əvvəlcədən bilirdim» ifadəsini işlədib.
Sədr baş məşqçiyə xəbərdarlıq edib ki, bu kimi fikirlər ictimaiyyətdə yaxşı qarşılanmır və klubun əleyhinə rəy formalaşdırır.
Rəhbər tapşırıb ki, o, media kəsimi ilə münasibətlərinə sərhəd qoysun, əks təqdirdə, barəsində sərt tədbir görüləcək.
SPORTİNFO.AZ
