.jpg)
"Kəpəz"in qalmaqalsız bir günü yoxdur.
Qərb təmsilçisində yenə ortam qarışıb.
Bu dəfə futbolçular fanatların qəzəbinə tuş gəlib.
Səbəb son turda yaşananlardı. Belə ki, "Şamaxı" üzərində qələbədən (3:2) sonra bəzi futbolçular tribunalara tərəf getməkdən boyun qaçırıb.
Hətta gürcüstanlı futbolçu Giorgi Kantaryanın fanatlara tərəf getmək istəyinin qarşısını Tural Axundov və Fərid Nəbiyev alıb.
Yaşananlardan qəzəblənən komandanın ən böyük azarkeş qrupu olan "Xəmsə"nin "feysbuk" hesabından paylaşılan postda futbolçular sərt xəbərdarlıq olunub:
"Oyun bitəndən sonra edilən hərəkət borc olsun. Biz hələ sözümüzü deməmişik!".
XANOĞLAN / SPORTİNFO.AZ
