30 yaşında karyerasını başa vurdu - 3 il idi futbol oynaya bilmirdi

16 Sentyabr 2020 11:06 İspaniya 467
30 yaşında karyerasını başa vurdu - 3 il idi futbol oynaya bilmirdi

İspaniya millisinin və “Volfsburq”un yarımmüdafiəçisi İqnasio Kamaço karyerasını başa vurmağa qərar verib.

Sportinfo.az xəbər verir ki, bu barədə Bundesliqa təmsilçisinin rəsmi saytı məlumat yayıb.

30 yaşlı futbolçunun belə qərar verməsinə ağır zədə ilə üzləşməsi səbəb olub. Hansı ki o, bu üzdən 3 il idi futbol oynaya bilmirdi.

Kamaço 2017-ci ildə “Volfsburq”un “Hannover”lə oyununda sol ayağından ağır zədə almışdı. O, bu zədə ilə əlaqədar indiyə qədər beş əməliyyat keçirib. Lakin yarımmüdafiəçi 3 illik mübarizədən sonra karyerasını bitirməyi üstün tutub.

“Volfsburq” Kamaço ilə müqaviləyə qarşılıqlı razılıq əsasında xitam verildiyini açıqlayıb. Lakin o, klubda qalacaq və Almaniya təmsilçisinə fərqli formada xidmət edəcək.

Madrid “Atletiko”sunun yetirməsi olan Kamaço, 2011-ci ildə bu komandanı “Malaqa”ya dəyişib. 2017-ci ildə isə o, “Volfsburq”a transfer olunmuşdu.

Digər Xəbərlər
Xəbər Lenti
28 İyul 10:20 Ronaldo Super Liqada
28 İyul 00:56 KK - 3 klub 3-cü etapda
27 İyul 23:40 "Sabah"dan son VİDEO