“Barselona”nın zədəli yarımmüdafiəçisi Mark Kasado qarşıdakı La Liqa matçında – “Real”a qarşı keçiriləcək “el-klasiko”da meydana qayıda bilər.
Sportinfo.az xəbər verir ki, bu barədə “Diario Sport” nəşri məlumat yayıb.
21 yaşlı futbolçu yalnız baş məşqçi Hans-Diter Flikin ehtiyac duyacağı halda oyuna cəlb olunacaq.
O, cari mövsümdə bütün turnirlərdə 36 oyunda iştirak edib, 1 qol vurub və 6 məhsuldar ötürmə verib.
İspaniya La Liqasının 35-ci turu çərçivəsində keçiriləcək “Barselona” – “Real” oyunu mayın 11-də, saat 18:15-də start götürəcək.
