“Betis” heyətini yeni futbolçu ilə gücləndirib.
Sportinfo.az xəbər verir ki, La Liqa təmsilçisi Braziliyanın “Atletiko” (Paranaense) klubunun sol cinah müdafiəçisi Abner Vinisiusu transfer edib.
"Betis" 22 yaşlı futbolçu ilə 2029-cu ilin yayına kimi nəzərdə tutulan müqavilə imzalayıb. İspanlar bu keçid üçün qarşı tərəfə 5 milyon avro təzminat ödəyib.
Abner Vinisius "Atletiko"ya 2019-cu ilin yayında "Ponte Preta"dan transfer olunmuşdu.
O, son mövsümdə komandanın heyətində meydana çıxdığı 54 rəsmi matçda 1 qol və 6 məhsuldar ötürmə ilə yadda qalıb.
