İspaniya Superkubokunda yarımfinal oyunlarına start verilib.
Sportinfo.az xəbər verir ki, ilk qarşılaşmada son ölkə çempionu və Superkubokun hazırki sahibi “Real” “Valensiya” ilə üz-üzə gəlib.
Kral Fəhd adına beynəlxalq stadionda baş tutan matç gərgin mübarizə şəraitində keçib. Oyunun əsas vaxtı 1:1 hesabı ilə yekunlaşıb.
Əlavə vaxtda qapılara qol vurulmayınca matçın taleyini 11 metrlik cərimə zərbələri həll edib. “Futbol lotereyası”nda isə daha dəqiq olan Kral klubu finala vəsiqə qazanıb - 4:3.
Turnir Səudiyyə Ərəbistanında keçirilir. İspaniya Superkuboku çərçivəsində ikinci yarımfinal görüşü cümə axşamı oynanılacaq. Ötən mövsümü ikinci sırada bitirən “Barselona” “Real Betis”i sınağa çəkəcək.
Yarışın həlledici oyunu isə yanvarın 15-də baş tutacaq.
