“Barselona”nın idman direktoru Deku komandanın vingeri Rafinyanın agenti ilə görüş keçirib.
Sportinfo.az xarici KİV-ə istinadən xəbər verir ki, görüş braziliyalı futbolçunun klubla müqaviləsinin mümkün uzadılmasına zəmin yaratmaq üçün təşkil edilib.
Bununla belə, tərəflər arasında danışıqlar hələ çox erkən mərhələdədir.
28 yaşlı futbolçu 2022-ci ilin yayında 55 milyon avro qarşılığında “Lids”dən “Barselona”ya keçib.
Onun klubla hazırkı müqaviləsi 2027-ci ilin yayında başa çatacaq. Rafinya bu mövsüm 51 matçda 30 qol vurub və 22 məhsuldar ötürmə edib.
