“Barselona”nın futbolçusu Antuan Qrizmann La Liqanın 32-ci turu çərçivəsində “Vilyarreal”ı məğlub etdikləri oyundan (2:1) sonra fikirlərini bildirib.
Sportuifo.az xəbər verir ki, sözügedən qarşılaşmada dubl edən fransız hücumçu çempion olmaq istədiklərini deyib:
“Qol buraxdıqdan sonra dağılmadıq. Yaxşı reaksiya verdik və qələbə qazana bildik. Çempion olmaq üçün 7 oyunumuz qalıb.
Çempion olmaq istəyirik. Bunun üçün tək yol isə bütün oyunları qazanmaqdır”.
“Barselona” La Liqada 71 xalla 3-cü sıradadır. Lider “Atletiko”dan 2 xal geri qalan Kataloniya təmsilçisinin ehtiyatda bir oyunu var.