"Biz Azərbaycanla bu sahədə təcrübəmizi bölüşməyə hazırıq"

28 May 2017 18:25 İslam Oyunları 746
"Biz Azərbaycanla bu sahədə təcrübəmizi bölüşməyə hazırıq"

"Azərbaycan idmançılarının beynəlxalq yarışlardakı uğuru Türkiyə xalqı üçün çox dəyərlidi" - Sportinfo.az xəbər verir ki, bunu Trend-ə müsahibəsində Türkiyənin idman və gənclər naziri Akif Çağatay Kılıç deyib. Nazirin sözlərinə görə, Azərbaycan son illərdə idmana qoyduğu investisiyaların bəhrəsini görməyə başlayıb:

"Azərbaycanlı idmançıların IV İslam Həmrəyliyi Oyunlarındakı qələbəsi qardaş ölkənin doğru istiqamətdə hərəkət etdiyini göstərir. Birinci Avropa Oyunlarından iki il sonra Azərbaycan bir daha dünyaya idman yarışlarını təşkil etmək bacarığını nümayiş etdirdi".

Nazir qeyd edib ki, Türkiyə Bakıdakı İslamiadada tarixi uğura nail olub və bu Oyunların İstanbulda da uğurla keçiriləcəyindən əmin olduğunu deyib: "Son illərdə Türkiyə idmana investisiyalardan müsbət nəticələr əldə edir.

Rio-2016 Yay Olimpiya Oyunlarında iştirak edən 103 türkiyəli idmançının orta yaşı 26 təşkil edib. Bu isə gələcəyə ümidlə baxmağa imkan verir. Türkiyənin Gənclər və İdman Nazirliyi Olimpiya idmançılarının hazırlığı üçün çoxlu layihələr həyata keçirir. Biz Azərbaycanla bu sahədə təcrübəmizi bölüşməyə hazırıq".

Digər Xəbərlər
Xəbər Lenti